2022 жылдың 15 сәуір күні 63 жылдық тарихы бар Шабыт ұлт аспаптар ансамблі КазАТУдың 65 жылдығына орай «Әуезді көктем» атты есеп беру концертін өткізді. Ансамбльдің мақсаты «Мәңгілік ел» жолындағы мәңгілік мұрамызды мәңгілікке қалдыру. Концерт заманға сай жастардың да , үлкен буынныңда көңілінен шығатындай болып құрылды. Жастарды мәдениетке баулып, рухани құндылықтарды ұлттық аспаптар арқылы бойларына сіңіру.
Гаухар Сармантаеваның жетекшілігімен Шабыт ұлт аспаптар ансамблі үйірмесінің қатышусылары күй атасы Құрманғазының «Балбырауын» күйімен бастап, Н. Тілендиевтің, Ә. Желдібаевтің т.б күйші композиторлардың күйлерін орындады. Кеш соңында Басқарма төрағасының жастар саясаты және әлеуметтік мәселелер жөніндегі орынбасары Ж. А. Құсайынова құттықтау тілегін білдіріп, Басқарма төрағасы Қ.Қ. Айтуғановтың атынан алғыс хатын табыстады.
