Негізгі ережелер 

Біздің университетіміздің гуманитарлықфакультетінің қазақ және орыс тілдері кафедрасында кұрылған «Литературная гостиная» клубы студенттердің әдеби - шығармашылық қабілеттерін дамытуға қызмет етеді.Бағдарламаның мазмұны шығармашылық қиял мен әдеби қабілетті дамытуға ықпал ететін құрылымдық элементтерді қамтиды. Шығармашылық  қиял арқасында студенттер әртүрлі образдар мен идеяларды өмірге әкеле алады. Эстетикалық талғамы қалыптасқан, шығармашылық ой-қиялы жетілгенстудент өмірде болатын әртүрлі жағдайларды қиюластырып, оқиғаны ойдан құрап, қызықты шығарма  жаза  алады.

.

• • клуб мүшелерінешығармашылық қабілеттерін, әдеби машықтарын дамытуға көмектесу;
  • әр студент өзінің рухани дүниесін ашып көрсете алатын болсын;
  • халықтың рухани байлығына деген қызығушылықты ынталандыру;
  • студенттің эмоциялық сезім-күйін тәрбиелеу арқылы оларда «сезім мәдениетін» қалыптастыру;
  • студенттің өнер әлеміне құштарлығын арттыру;
  • эстетикалық талғамын тәрбиелеу;
  • зерттеу қабілетін, дағдысын қалыптастыру; 

Клубтың мақсаты: Студенттердің шығармашылық қабілеттерін анықтау, зерттеу және дамыту болып табылады.

Клуб жұмысының бағыттары: 

• Студенттердің хабарламалар, баяндамалар, зерттеу жұмыстарын әзірлеуі;
• Экскурсиялар ұйымдастыру, газеттер шығару, мақалалар жазу, репортаждар жүргізу;
• Конкурстар ұйымдастыру, әдеби-музыкалық кештер, викториналар өткізу. 

«Литературная гостиная»клубының басшылары: Алдабергенова А.С., Әлібекова Ә.Ш., Омарова Г.Т.

С.Сейфуллин атындағы Қазақ агротехникалық университетінде 2009 жылдан бастап Француз тілі әуесқойларының клубы ашылды.

Француз тілі әуесқойларының клубының негізгі мақсаты – Қазақ агротехникалық университетінде француз тілі мен француз мәдениетін кеңінен тарату.

Француз тілі әуесқойларының клубының міндеттері:

• Университет студенттерінің француз тілін үйрену мүмкіндігін арттыру;
• Француз тілінің тәжірибелік деңгейін көтеру;

Студенттердің Республикалық конференциялар мен жобаларға, халықаралық бағдарламалар мен ауылшаруашылық тағылымдарға қатысуына ықпал ету болып табылады.

2009 жылдың  19 наурызында «Француз тілі әуесқойлары» Клубының салтанатты ашылу кеші өтті. Бұл іс шараға Қазақстан мен Қырғызстандағы Француз елшісінің кеңесшісі Бернар Пакто мырза, Француз елшілігінің университетаралық  ынтымақтастық  Атташесі  Клод Абитболь мырза, Астана қалсы  Француз  Альянсының оқытушы- әдіскерлері  Орлеан Амиг пен Давид Мухаммад мырзалар қатысты. Француз тілі әуесқойлары Клубының ашылу салтанаты жоғары деңгейде өтті.

Астана қаласы Француз Альянсы ФӘК-ның серіктесі болып табылады. Клубтың жыл сайын өтетін іс-шараларына Француз Альянсы мен Қазақстандағы Франция Елшілігінің өкілдері қатысады.

Универсиетімізде француз тілі клубының ашылуы студенттерге француз тілін оқып қана қоймай, бай француз мәдениетімен жанасуға ықпал етеді.

Француз тілі әуесқойлары Клубының шеңберінде әртүрлі іс-шаралар ұйымдастырылып өткізілді: Француз Әндерінің кеші, Француз Киноларының кеші, Француз поэзиясының кештері, Қазақстан Республикасы тәуелсіздігінің 20 жылдық мерей тойына арналған «Ma patrie  est Kazakhstan» атты кеш;  «Vive le français» кеші; «Күзгі кездесулер- Renconctres d’Automne», «Франкофония мерекесі - Fête de la Francophonie»;  «Notre Dame de Paris» атты мюзиклді көріп талқылау, Пікірталастар, Байқаулар, өзекті мәселелер талқыға салынған Конференциялар мен Дөңгелек үстелдер; Францияның Анже қаласы Жоғары ауылшаруашылық мектебі өкілдерімен  оn-line жүйесінде бірлесіп өткізілген «Анже ЖАМ білім алу» атты видеоконференция.

Іс-шаралар барысында студенттер өздерінің француз тілі мен мәдениеті аясындағы білімдерін толықтыра түсті.  Бұл іс-шаралардың мақсаты  студенттердің француз тілі мен мәдениетіне деген қызғушылығын арттыру болып табылады.  Қазақ агротехникалық университеті студенттері жоғарыда аталған іс-шараларды ұйымдастырып өткізуге белсене қатысты.

Француз тілі әуесқойлары Клубы  – құрамына Агротехникалық университеттің француз тілінде сөйлейтін әрбір студенті мүше бола алатын университетішілік құрылым. Клуб отырысын Президент басқарады. Президент пен вице-президент Клуб мүшелерінің дауыс беру нәтижесінде жарты жылдан бір жылға дейін сайланады. 2016-2017 оқу жылында  университетіміздің 32 студенті Француз тілі әуесқойлары Клубының   мүшесі болып табылады.

Клуба жетекшісі: ф.ғ.к., Шетел тілдері кафедрасының аға оқытушысы Тяжина Елена Балтабековна.

Қазақ С. Сейфуллин атындағы қазақ агротехникалық университетінде 2017 жылдың қыркүйегінен бастап Ағылшын тілі клубы өз жұмысын қайта бастады.

Ағылшын тілі клубының мақсаттары:

• Ағылшын тілінде сөйлеу дағдыларын дамыту және жетілдіру;
• Шетел тілінде бейресми және ойын тұрде қарым-қатынасы;
• Ағылшын тілінде сөйлейтін елдердің мәдениеті мен дәстүрлерімен танысу;
• Университеттің қоршаған ортасын қалыптастыруға және университеттің мәдени дәстүрлерін сақтауға белсенді қатысу;

Ағылшын тілі клубының міндеттері:

• ЖОО аралық, аймақаралық және халықаралық студенттік қатынастарды нығайтуға жәрдемдесу;
• Ағылшын тілінде оқушылардың қабілеттерін оқыту және дамыту үшін тренингтер мен мастер-класстар мен семинарлар өткізу;
• Студенттерді ғылыми және шығармашылық қызметпен айналысуға тарту: Студенттердің ғылыми конференцияларға, ауылшаруашылық тәжірибелеріне, академиялық ұтқырлық бағдарламаларына, халықаралық білім алу бағдарламаларына және халықаралық жобаларға белсенді студенттердің қатысуын қалыптастыру.

2017-2018 оқу жылынын бірінші жартыжылдығында шетел тілдері кафедрасында оқудан тыс тіл даярлығын дамыту мақсатында ағылшын тілі клубы өз жұмысын қайта жандандырды. Аталған клуб ағылшын тілінде оқитын студенттер үшін тілдік тәжірибе мен тілдік орта қалыптастыру үшін жұмыс жасайды. Клуб отырысы барысында өтетін барлық іс-шаралар оқытылатын тілде өтеді.

Клуб отырыстарын кафедра оқытушылары мен ағылшын тілін жоғары деңгейде меңгерген студенттер жүргізеді.

Клуб мүшелері – С. Сейфуллин Қазақ агротехникалық университетінің студенттері, магистранттары және оқытушылары. Жалпы, ағылшын тілін терең меңгеруге барлық ниет білдірген жандар. Клуб отырыстарында пікірталастар, презентациялар және дебаттар өтеді. Клуб отырыстарының тақырыптары интерактивті ойын режимінде көркем және бейне фильмдер көрсету арқылы жүргізіледі.

Бірінші жартыжылдық ішінде клуб өз жұмысын айына екі рет (дөнгелек үстел, семинар, семинар-дәріс, қойылым, фильм қөрсету және т.б.) өткізіп отырды.

Шетел тілдері кафедрасының аға оқытушылары М.И. Байгошкарова мен С.К. Рустемованың жетекшілігімен “What makes people happy” тақырыбында француз әдіскері Эдвард де Бононың «Six thinking hats» атты әдістемесі бойынша өткізген пікірталасы ағылшын клубының тұсаукесері болды.

Аға оқутышы Б.Е. Әлімжанова “Relations between parents and children” атты тақырыпқа презентация жасады. Презентация барысында клуб мүшелері тақырыптық бейнефильм көріп, өз ойларын  ортаға салды.

Оқытушылар Кайкенов Д.Б. және Жалелова Г.М. “Inventions. Robotics” атты тақырыпта рөлдік ойын өткізді.

С.Сейфуллин атындағы Қазақ агротехникалық университетінде 2015 жылдың 19 қазаннан бастап Неміс тілі клубы өз жұмысын қайта бастады.

Неміс тілі клубының мақсаттары:

• Неміс тілін оқыту;
• Неміс тілінде сөйлеу дағдыларын дамыту және жетілдіру;
• Танымдық және зияткерлік қабілеттерін дамыту;
• Неміс тілінде сөйлейтін елдердің мәдениеті мен дәстүрлерімен танысу;
• Университеттің қоршаған ортасын қалыптастыруға және университеттің мәдени дәстүрлерін сақтауға белсенді қатысу;

Неміс тілі клубының міндеттері:

• ЖОО аралық, аймақаралық және халықаралық студенттік қатынастарды нығайтуға жәрдемдесу;
• Неміс тілінде оқушылардың қабілеттерін оқыту және дамыту үшін тренингтер мен мастер-класстар мен семинарлар өткізу;
• Студенттерді ғылыми және шығармашылық қызметпен айналысуға тарту. Студенттердің ғылыми конференцияларға, ауылшаруашылық тәжірибелеріне, академиялық ұтқырлық бағдарламаларына, халықаралық білім алу бағдарламаларына және халықаралық жобаларға белсенді студенттердің қатысуын қалыптастыру.

Студенттерді «LOGO e.V», «DEULA- Nienburg», “Weihenstephan-Triesdorf”  атты Халықаралық бағдарламалар бойынша  Алмания елінде тәжірибеден өтуге мүмкіндік жасап, университетте неміс тілін жеңіл және тез үйренуге ықпал жасау.

2015-2016 оқу жылынын қазан айында шетел тілдері кафедрасында оқудан тыс тіл даярлығын дамыту мақсатында неміс тілі клубы өз жұмысын қайта жандандырды. Аталған клуб неміс тілінде оқитын студенттер үшін тілдік тәжірибе мен тілдік орта қалыптастыру үшін жұмыс жасайды.

Клуб отырыстарын кафедра оқытушылары мен неміс тілін жоғары деңгейде меңгерген студенттер жүргізеді.

Клуб мүшелері – С. Сейфуллин Қазақ агротехникалық университетінің студенттері, магистранттары және оқытушылары. Клуб отырыстарында пікірталастар, презентациялар және дебаттар өтеді. Клуб отырыстарының тақырыптары интерактивті ойын режимінде көркем және бейне фильмдер көрсету, дөнгелек үстел, шығармашылық кештер арқылы жүргізіледі.

Жыл бойы және апта сайын неміс тіліне қызығушылық білдірушілер мен Клуб мүшелері Гёте-Институт орталығының құрамында жұмыс істейтін ИНФО-ЛАБ -та неміс тілінде кино көрумен қатар, кітап тұсаукесер кештері , неміс өкілдерімен әртүрлі тақырыптар бойынша кештерге қатысалады.

Клуб 2005 жылы құрылған.

Мақсаты:

• жастардың жан-жақты шығармашылық қабілеттерін дамыту және олардың зерделік потенциалын жүзеге асыру;
• Қазақстан халқының тілін, мәдениетін, тарихын білу негізінде өскелең жас ұрпақтың бойында рухани-адамгершілік әлеуетті қалыптастыру;
• жастар мен жасөспірімдердің азаматтық белсенділігі мен саналылығын арттыру;
• танымдық жұмыстарды ынталандыру;
• жастар мен жасөспірімдердің зияткерлік, шығармашылық және әлеуметтік дамуы үшін қолайлы жағдай жасау;
• жауапкершілік пен еңбексүйгіштікті қалыптастыруға, көшбасшылық және ұйымдастырушылық қабілеттерін дамытуға бағытталған жастардың жеке тұлғалық қасиеттерін дамыту;
• өскелең жас ұрпақтың бойында патриоттық, білім мен өзін-өзі жетілдіруге деген құштарлық, беріктік, Отан тарихына, Тәуелсіз Қазақстанның бүгіні мен болашағына деген жауапкершілікті қалыптастыру;
• халықаралық бітім мен азаматтық келісімге келуге, Қазақстан халықтарының ұлттық салт-дәстүрлері мен әдет-ғұрыптарының дамуына, өнегелі және рухани байлықтарын нығайтуға жағдай жасау.

Университет құрамасының жетістіктері:         

• Жоғарғы лига сайысында «Вице-чемпион-2014»;
• «Чемпион-2016»;
• 2016 жылы «Жастар жалыны» телевизиялық жастар шығармашылық фестивалінде Бас жүлде иегері;
• 2016 жылы «ҚР Тәуелсіздігіне 25 жыл» республикалық сайыста 2 жүлделі орынды иеленді;
• Республикалық «Ертіс лигасының» 2016 жылғы чемпионы;
• 2016 жылы Астана қалалық «Жайдарман» ойынында «Энерго»  құрама командасы жүлделі ІІ орынға ие болды;
• 2017 жылы Семей қаласы әкімінің кубогының ІІ орын жүлдегері; 
• 2017 жылы Астана лигасында «Чемпион-2017» атағын жеңіп алды.

Үйірме құрамында   әр түрлі ұлт өкілдері бар. Студенттер үйірме жұмысына қызығушылық танытуда.  Үйірме бекітілген жоспар бойынша жұмыс атқарады. Жоспарланған іс-шаралар өткізіліп отырады.

Үйірме мақсаты: Студенттерге Қазақстан Республикасында тұратын өзге ұлт өкілдерінің  мәдениеті, діні, тілі, тарихы туралы мағлұмат беру;

• Студенттер арасында  мемлекеттік  тілді   және туған тілін білуді  жандандыруға,  сонымен қатар зерделеу  үшін  жалпы гуманитарлық  дайындық  деңгейін  көтеруге   қолайлы жағдай  жасау;
• Рухани   бірлік  қалыптастыру,   ұлтаралық   достықты  сақтауға,  жоғарғы оқу орнындағы студенттер арасында   ұрақтылықты  сақтауға  баулу;

Үйірме міндеті: студенттер бойында адамгершілік көзқарас қалыптастыру. «Үлкенге құрмет, кішіге ізет» демекші студент жастардың бойына ізеттілікті, кішіпейілділікті қамқорлықты сіңіре білу;

- Ұлттық  мәдениеттің  қайта  жаңғыруына,  әр  ұлттың  әдет  ғұрпына,  дәстүрлеріне    тәрбиелік   жағынан   ықпал   етуге  және    адамгершілігі   мол  жеке  адамның  қалыптасуына  және   қарым-қатынастық  қабілеттің  дамуына   ықпал  ету; 

. 

Мақсаты:

• студенттердің рухани және адамгершілік қасиеттерін тәрбиелеу;
• КТК ойындарында командалардың қызметі мен өнер көрсетуі арқылы отансүйгіштікке, азаматтыққа және мәдениеттілікке тәрбиелеу;
• білім алушылардың жеке шығармашылық қабілеттерін анықтау және дамыту;
• университеттің мәдени өміріне белсенді қатысатын, дербес қызметке қабілетті ұжымды қалыптастыру;
• университеттің мәдени дәстүрлерін құру;
• университет студенттерінің адамгершілік, рухани және мәдени құндылықтары мен қажеттіліктерін қалыптастыру, эстетикалық, көркемдік талғамын дамыту.

Міндеті:

• Қатысушылардың шығармашылық қабілеттерін дамыту;
• Олардың сахналық шеберлігін дамыту;
• Аудиториямен жұмыс істей білуді қалыптастыру;
• Шығармашылықпен біріктірілген ұжым құру;
• Ұйымдастыру және мәдени-тәрбиелік сипаттағы іс-шараларды перспективалық және ағымдағы жоспарлауды қамтамасыз ету және оларды клубта іске асыру;
• ЖОО ретінде С.Сейфуллин атындағы Қазақ агротехникалық университетінің тартымдылығын арттыру, оның имиджін жетілдіру;
• Командалардың баспасөздегі, теле және радиобағдарламалардағы, Интернет желісіндегі жұмысының нәтижелері туралы ақпараттандыру;
• С.Сейфуллин атындағы Қазақ агротехникалық университеті КТК командаларының отандық, шетелдік және халықаралық КТК ұйымдары ұйымдастыратын іс-шараларға қатысу мүмкіндігін қамтамасыз ету.

Агрономия факультетінің жанынан құрылған «Ассорти» және «Интернационал» КТК командалары

Ветеринария және мал шаруашылығы факультетінің жанынан құрылған «Менің сүйікті командам»  КТК командасы

Жер ресурстарын басқару, сәулет және дизайн факультетінің «Біздің нұсқа» КТК командасы

Компьютерлік желілер және кәсіптік білім беру факультетінен құрылған «Моника Белуччи» , «Әжесінің балалары», «КСиПО құрамасы» және «TWIX» КТК командалары

Техникалық факультеттің жанынан құрылған «Вкус лимона»,  «Жаңа тех» және «Тех қыздары» КТК командасы

Экономикалық факультеттің жанынан құрылған «Сафари», «Эконом класс» және «6 подруг Оушена» КТК командалары

Энергетикалық факультеттің жанынан құрылған «Звезды своего факультета» және «Энергетики» КТК командалары

С.Сейфуллин атындағы Қазақ агротехникалық университетінің № 6 жатақханасының студенттік кеңесінің ұйымдастыруымен қыздар және ұлдар арасында өтетін жатақханааралық тоғызқұмалақ ойыны командасы.

Мақсаты:

• Салауатты өмір салтын қалыптастыру, тоғызқұмалақты насихаттау;
• Өзіндік дамуды, логиканы, есте сақтауды, тоғызқұмалақ арқылы студенттердің назарын шоғырландыруды ынталандыру;
• Студенттердің бос уақытын тиімді пайдалануға бағыт беру;
• Студенттерді біртұтас болуға үйрету, ерік-жігер мен мінезді дамытуға, тәртіпті болуға;
• Студенттердің спорттық жарыстарға қатысуын және тоғызқұмалақтан бәсекелестікті дамыту;
• Студенттерді шығармашылық мүмкіндіктерге, қабілеттілікке тарту;
• Басқа жатақхана студенттерімен өзара арақатынасты дамыту және нығайту.

Лига ұйымдастырушысы: №6 жатақханасының студенттік кеңесі.

Жатақхананың студенттік кеңесінің төрағасы: Амангелді Дінмұхаммед - ВжМШТ факультетінің студенті.

Спорт секторлары:

Ескермесов Құрмет - ВжМШТ факультетінің студенті.

Алиханова Алтынай – ВжМШТ факультетінің студенті.

С.Сейфуллин атындағы Қазақ агротехникалық университетінің №8 жатақханасының студенттік кеңесінің ұйымдастыруымен қыздар және ұлдар арасында өтетін жатақханааралық шахмат ойыны командасы. 

Мақсаты: 

• Салауатты өмір салтын қалыптастыру, шахматты насихаттау;
• Өзіндік дамуды, логиканы, есте сақтауды, шахмат арқылы студенттердің назарын шоғырландыруды ынталандыру;
• Студенттердің бос уақытын тиімді пайдалануға бағыт беру;
• Студенттерді біртұтас болуға үйрету, ерік-жігер мен мінезді дамытуға, тәртіпті болуға;
• Студенттердің спорттық жарыстарға қатысуын және шахматтан бәсекелестікті дамыту;
• Студенттерді шығармашылық мүмкіндіктерге, қабілеттілікке тарту;
• Басқа жатақхана студенттерімен өзара арақатынасты дамыту және нығайту.

Лига ұйымдастырушысы: № 8 жатақханасының студенттік кеңесі.

Жатақхана студенттік кеңесінің төрайымы: Жанахметова Гаухар – агрономиялық факультетінің студенті.

Спорт секторлары:

• Өміртай Даниал – агрономиялық факультетінің студенті;
• Каирбек Шолпан – ВжМШТ факультетінің студент.

«Баскетбол лигасы» – С.Сейфуллин атындағы Қазақ агротехникалық университетінің №2Б жатақханасының студенттік кеңесінің ұйымдастыруымен қыздар және ұлдар арасында өтетін жатақханааралық баскетбол ойынының мақсаты: 

• Салауатты өмір салтын қалыптастыру, спортпен шұғылдануды насихаттау;
• Баскетбол ойыны арқылы студенттердің икемділік және қозғалыс реттілігінің үйлесімді дамуына көмектесу;
• Студенттердің бос уақытын тиімді пайдалануға бағыт беру;
• Студенттерді ұжымдық бірлікке, жеке бас мүддесін команда мүддесіне бағындыра білуге, тәртіпті, болуға, өзгелерге дер кезінде көмекке келуге үйрету;
• Студенттердің спорттық лигаларға қатысып, баскетбол ойынын дамытуға, нығайтуға үлестерін қосуын дамыту;
• Студенттерді ұйымшылдыққа, батылдыққа тәрбиелеу;
• Басқа жатақхана студенттерімен байланыс орнату, оны дамыту және нығайту.

Лига ұйымдастырушысы: № 2Б жатақханасының студенттік кеңесі.

Жатақхана студенттік кеңесінің төрайымы: Энергетикалық факультетінің студенті Сәкен Әліби.

Спорт секторлары:

• Желтан Айдана – экономикалық факультетінің студенті;

· Сәрсембай Әлішер – экономикалық факультетінің студенті.

«Волейбол лигасы» – С.Сейфуллин атындағы Қазақ агротехникалық университетінің №5 жатақханасының студенттік кеңесінің ұйымдастыруымен қыздар және ұлдар арасында өтетін жатақханааралық волейбол ойынының мақсаты:

• Салауатты өмір салтын қалыптастыру, спортпен шұғылдануды насихаттау;
• Волейбол ойыны арқылы студенттердің икемділік және қозғалыс реттілігінің үйлесімді дамуына көмектесу;
• Студенттердің бос уақытын тиімді пайдалануға бағыттау;
• Студенттерді ұжымдық бірлікке, жеке бас мүддесін команда мүддесіне бағындыра білуге, тәртіпті болуға, өзгелерге дер кезінде көмекке келуге үйрету;
• Студенттердің спорттық лигаларға қатысып, волейбол ойынын дамытуға, нығайтуға үлестерін қосуын дамыту;
• Студенттерді спортқа деген құрмет, қамқорлық және мейірімділік рухта тәрбиелеу;
• Басқа жатақхана студенттерімен байланыс орнату, оны дамыту және нығайту.

Лига ұйымдастырушысы: №5 жатақханасының студенттік кеңесі.

Жатақхана студенттік кеңесінің төрайымы: агрономиялық факультетінің магистранты – Шарипова Гулзия.

Спорт секторлары:

• Салим Бибол – ЖРБСжД факультетінің студенті;
• Жетпісбай Асқар – ЖРБСжД факультетінің студенті.

«Футбол лигасы» – С.Сейфуллин  атындағы Қазақ агротехникалық университетінің №7 жатақханасының студенттік кеңесінің ұйымдастыруымен  өтетін жатақханааралық футбол ойыны командасы. 

Мақсаты:

• Салауатты өмір салтын қалыптастыру, спортпен шұғылдануды насихаттау;
• Футбол ойыны арқылы студенттердің икемділік және қозғалыс реттілігінің үйлесімді дамуына көмектесу;
• Студенттердің бос уақытын тиімді пайдалануға бағыт беру;
• Студенттерді ұжымдық бірлікке, жеке бас мүддесін команда мүддесіне бағындыра білуге, тәртіпті болуға, өзгелерге дер кезінде көмекке келуге үйрету;
• Студенттердің спорттық лигаларға қатысып, футбол ойынын дамытуға, нығайтуға үлестерін қосуын дамыту;
• Студенттердің бойында ептілік, төзімділік қасиеттерін қалыптастыру;
• Басқа жатақхана студенттерімен байланыс орнату, оны дамыту және нығайту. 

Лига ұйымдастырушысы: № 7 жатақханасының студенттік кеңесі.

Жатақхана студенттік кеңесінің төрайымы: техникалық факультетінің студенті Aпшетаева Гүлнұр.

Спорт секторы: Ташпулатов Бауыржан – техникалық факультетінің студенті.

«English speaking club» клубы - 2016 жылғы 1 қазаннан бастап С.Сейфуллин атындағы ҚАТУ ашылды. Клубтың басты мақсаты – студент жастар арасында ағылшын тілін дамыту  және ағылшын тілінде еркін қарым-қатынас жасау дағдысын меңгеруге жәрдем беру. Бұл клубтың мүшелері әлеуметтік жағдайы төмен санаттағы студенттерге тегін курстар өткізеді.

Клубтың мақсаты:

• Ағылшын тілінде өз ойын білдіруге және сөйлесуді түсінуге үйрету;
• Шетелдіктермен қарым-қатынас жасаған кезде өзін сенімді сезіну;
• Қысқа уақыт ішінде тілдік кедергіні жеңу, кез келген тақырыпқа әңгіме жүргізе білуге үйрену.

Абай Аяулым Төлегенқызы «English Speaking club» клубының төрайымы ЖРБСжД факультетінің 2 курс студенті Тел: +7 707 409 0596

Негізгі мақсаты мен міндеті

Студенттердің интеллектуалды өсуі мен саяси өмірдің негізгі тенденцияларын түсінуі үшін жағдай жасау.

ҚазАТУ студенттерінің қоғамдық бастамасын дамыту, олардың белсенді азаматтық ұстанымын қалыптастыру.

Патриоттық және әлеуметтік жауапкершілікке тәрбиелеу.

Студенттік жастардың саяси мәдениетінің деңгейін арттыру;Әлеуметтік-гуманитарлық және тарихи білімді насихаттау;

Саяси ғылымдар саласындағы зерттеу жұмысына тарту мен бәсекеге қабілетті тұлғаның қасиеттерін қалыптастыру;

Негізгі бағыты

Қоғамдық-саяси дамудың және студенттік өмірдің өзекті мәселелері бойынша пікірталастар өткізу;

Қоғамдық ғылымдар саласындағы жетекші мамандар мен саяси қайраткерлерді шақыра отырып семинарлар, "дөңгелек үстелдер" ұйымдастыру;

ҚазАТУ студенттік ұйымын біріктірудің маңызды элементі ретінде факультетаралық байланыстарды дамыту.

“Бірлік” клубының төрайымы – Экономикалық факультетінің 1 курс студенті  Ахундова Аида Ибрагимовна   Тел: 8(707) 901-31-55

«Абай» философиялық клубы – Абайдың аса маңызды философиялық идеяларын негіз ете отырып, студенттерді ұлттық даналық идеяларын түсінуге, әлемдік ұлы ойларға сыни талдау жасауға, ұлттық кодты айқындауға бағыттайтын академиялық-мәдени клуб.

Клубтың мақсаты: ұлтымыздың болмысына сай келетін ереже-қағидаттарды жаңаша, жарқын, жағымды нұсқада әйгілеп, студенттер дүниетанымының қалыптасуына, өмірдегі түрлі құбылыстарға әділ, дұрыс баға беріне ықпал етуді, әсіресе, Абайдың философиялық өлеңдері мен қара сөздеріндегі қоғамымыздың үйлесетін тұстарын барынша насихаттауды көздейді.

Клубтың міндеті:

• Студенттердің шығармашылығымен философиялық ойлау дизайнын арттыру;
• Студенттерді Абайдың «Адам бол!» этикалық іліміне дағдыландыру;
• Студенттердің әлеуметтік белсенділігімен болашаққа  деген сенімді көзқарасын қалыптастыру;
• Студенттерді Абай әлеміне шолуға баулу;
• Қазіргі қоғамдағы философиялық, жаһандық, діни, мәдени мәселелерді талқылау және т.б.

«ДОСТЫҚ» КЛУБЫНЫҢ МАҚСАТЫ:

Университетімізде  қазақстандық патриотизмді дамыту, ұлтаралық татулық пен келісімді жетілдіру, Қазақстан халқының азаматтық және рухани-мәдени тұтастығын нығайту. 

«ДОСТЫҚ» КЛУБЫНЫҢ МІНДЕТТЕРІ:

• Әр ұлттан дарынды студенттерді іріктеп, оларды ұлттық мәдени-қоғамдық іс-шараларға тарту; 
• Студенттердің отансүйгіштік, ұлтжандылық қасиеттерін арттыру;
• Қоғамдағы студенттік өмірге қатысты болып жатқан өзекті мәселелерді талқылап, сараптап, пікір алмасып отыру. Басқа оқу орындарындағы клубтармен байланыс орнату.
• Халық бiрлiгiн нығайтуға үлес қосу, дамыту;
• Қазақстан халқының ұлттық мәдениетiн, тiлдерi мен дәстүрлерiн өркендету, сақтау және дамыту;
• Студенттердің арасында іс-шаралар өткізе отырып, олардың бойында ұлттық сананы қалыптастыру, өз ойын жеткізе алу, сөйлеу шеберлігін шыңдау;
• Студенттің келешекте халыққа қызмет ететін тұлғалық қасиеттерінің қалыптасуын атсалысу.

«Достық» клубына 29 студент және философия кафедрасының оқытушылары – Абдильдина Х.С., Садыкова Т.М. мүше.

 Клуб жетекшісі философия кафедрасының аға оқытушысы, магистр  А.Г.Гаппасова.

«Таным» клубы – гуманитарлық факультеттің философия кафедрасының жанында құрылған студенттік клуб. Клуб бұған дейін аталған кафедрада жұмыс істеген «Даналық» клубын қайта атау негізінде құрылған. Яғни, клубтың атауы жаңа болғанымен, «Даналық» клубының жұмысын жалғастырады.

Клубтың мақсаты:

Өзін-өзін тану бағытында университет студенттерімен философиялық тақырыптарға пікірталас, сұқбат, дөңгелек үстелдер ұйымдастыру. Студенттердің сын тұрғысынан ойлау, пайымдау, дұрыс шешім қабылдау қабілеттерін дамыту.

Клубтың міндеттері:

• студенттер бойында сыни,  логикалық, аналитикалық, өздік ойлау қабілеттерін дамыту;     
• әлемдік адами-этикалық құндылықтарына баулу;
• өмірдің күнделікті мәселелердің дұрыс жолын табу үшін студенттердің философиялық ой-санасын қалыптастыру;
• философиялық және өзін-өзі тану мәселелері бойынша өз пікірлерін ашық айтып, ой-толғаныстарын аудиторияға жеткізе білуге үйрету;
• шешендік өнерге дағдыландыру;
• ойлайтын интеллектуалды студенттер ортасын қалыптастыру.

Клуб құрамында қазіргі таңда 33 студент бар. Жетекшісі – философия кафедрасының оқытушысы Е.К. Аринов.

«ДАРЫНДЫ ЖАСТАР» КЛУБЫНЫҢ МІНДЕТТЕРІ:

• Қазақстан жастарының өнері мен ұйымшылдығын паш ете отырып, олардың бойындағы тілге, елге деген сүйіспеншілікті, патриотизмді сіңірту;

• университет студенттерінің қызығушылықтарын қанағаттандыруға және зияткерлік қабілеттерін дамытуға жағдай жасау;
• жастар арасында спорттық, мәдени-бұқаралық іс-шараларға деген қызығушылығын дамыту үшін жағдай жасау;
• шығармашылық тұлғаның дамуына үлес қосу;
• ұжымдық бірлікті насихаттау. 

«Даналық ізденістері» клубы  философия, онтология және гносеология, этика, эстетика, әлеуметтік философия, мәдениеттану және дін философиясының негіздерімен танысуға мүмкіндік береді. Жас философтар клубы философияның классикалық мәтіндерін оқып және талдап, философия және әлеуметтік ғылымдар бойынша пікірталастар мен дөңгелек үстелдерді ұйымдастыруға көмектеседі.

Клубтың мақсаты: студенттердің философиялық және жалпы мәдени көзқарасын кеңейту, сондай-ақ философия және әлеуметтік ғылымдар тарихын білуді тереңдету.

Клубтың міндеті:

1. Рухани құндылықтарды ұлықтау бағытында:

• ұлттық рухты көтеру;
• адамгершілік, ар-ұждан сияқты адамгершілік қасиеттерді даңқтау;
• отбасы, достық, махаббат туралы терең түсінік қалыптастыру;
• ақыл-ойды дамытуға көмектесу.

2. Біліктілікті арттыру бағытында:

• ойлау қабілетін көрсету;
• заманауи білімді алу;
• жазбаша және шығармашылық қабілеттерді ашу;
• шешендік дағдыларды жетілдіру.

«Социум және жастар» клубы – С.Сейфуллин атындағы Қазақ агротехникалық университеті гуманитарлық факультетінің жанынан құрылған жастардың саяси сұхбаттық алаңы.

Клубтың мақсаты: жастардың қазақстандық қоғамның патриоттық, рухани-адамгершіліктік құндылықтарына негізделген саяси мәдениетін қалыптастыру, шығармашылық және зияткерлік әлеуетін ашу.

Клубтың міндеттері:

• Студенттердің зияткерлік, рухани, физикалық дамуына бағытталған бастамаларын қолдау және ат салысу;
• Гуманитарлық факультетінің қоғамдық  жұмыстарына қатысу;
• «Социум және жастар» клубы мүшелерінің патриотизмін маңызды рухани және әлеуметтік құрамдауыш ретінде тәрбиелеу

«Мирас» тарихи-танымдық клубы – С.Сейфуллин  атындағы Қазақ агротехникалық университетінің ПОҚ және студенттерінен құрылған жеке тұлғалардың біріккен ұйымы. «Мирас» клубына С.Сейфуллин атындағы Қазақ агротехникалық университетінің барлық мамандықтарында оқитын 1-4 курс студенттері қатыса алады. Клуб студенттердің арасында іс-шараларды, кездесулерді  өткізе отырып, олардың бойында тарихи сананы қалыптастыру, өз ойын жеткізе алу, сөйлеу шеберлігін  шыңдаумен айналысады.

«МИРАС» КЛУБЫНЫҢ МАҚСАТЫ:

• Студенттердің келешекте халыққа қызмет ететін тұлғалық қасиеттерінің қалыптасуына ат салысу.

• Студенттер арасында әртүрлі байқаулар өткізе отырып, олардың ғылыми әлеуетіне баға беру.

• Студенттердің отансүйгіштікке баулу, тарихқа қызығушылықтарын арттыру.

• Қоғамдағы студенттік өмірге қатысты болып жатқан өзекті мәселелерді талқылап, сараптап, пікір алмасып отыру.

• Басқа оқу орындарындағы клубтармен байланыс орнату.

Қазіргі таңда клубта 21 студент мүшелік етеді. «Мирас» - тарихи танымдық клубының жетекшісі: Қазақстан тарихы кафедрасының аға оқытушысы, тарих ғылымдарының кандидаты Б.Б.Енсепов.

С.Сейфуллин атындағы Қазақ агротехникалық университеті, Гуманитарлық факультеті, Қазақ және орыс тілдері кафедрасы жанынан  құрылған «Қаламгер» әдеби-шығармашылық клубы  талантты студенттердің шығармашылық қабілетін дамытумен айналысады. Клуб мүшелері айына екі рет бас қосып, өз шығармаларымен  таныстырып отырады және жоспарлы іс-шараларды  өткізу мәселелерін талқылайды.

Мақсаты: «Қаламгер» әдеби-шығармашылық клубы студенттер арасында рухани-әдеби орта қалыптастыру, өлең жазатын  талантты жастардың  шығармашылығын  көпшілікке таныстыру.

Міндеттері: - студенттерді республикалық, облыстық, қалалық жыр мүшәйраларына қатыстыру арқылы  олардың  тіл мәдениетін, әдебиетке деген құлшынысын арттыру;

• Ақын-жазушылармен кездесу, дөңгелек үстел, т.б. іс-шаралар ұйымдастыру арқылы дарынды студенттердің шығармашылық қабілетін дамыту, ой-өрісін кеңейту, көркем әдебиетке деген құлшынысын арттыру;
• Студенттердің шығармашылық жұмыстарын басылым беттерінде жариялау.

«Қаламгер» әдеби-шығармашылық клубы жыл сайын дәстүрлі Тілдер мерекесімен қатар, поэзиялық кештер, ақын-жазушылармен кездесулер ұйымдастырып, қатысып отырады.  Сондай-ақ, университет баспасынан «Отан деп соғар жүрегім» атты жыр жинақтарына да өз өлең, шығармалар топтамасын жарыққа шығарып, көпшілік қауымға таныстырып отырады.

Гуманитарлық факультетінің  қазақ және орыс тілдері  кафедрасы жанынан құрылған үйірме.  

«Юный филолог»  студенттік ғылыми  үйірмесінің мақсаты:

• Дарынды студенттерді іріктеп, оларды ғылыми жұмыстармен айналысуға  бағыт беру;
• ғылыми-теориялық конференциялар ұйымдастыру және оған студенттерді қатыстыру;
• студенттер бойында ғылыми жұмыспен айналысуға қызығушылығын ояту.

Үйірмеде қазіргі таңда 22 студент мүшелік етеді. «Юный филолог»  студенттік ғылыми үйірмесінің жетекшісі – қазақ және орыс тілдері  кафедрасының аға оқытушысы, педагогика және психология магистрі А.М.Қажғалиева.