Университет меншігінде 7 студенттік жатақхана бар. Жатақханаларда студенттер үшін барлық жағдайлар жасалған.
Жатақханадағы әлеуметтік тұрмысты жақсартып, тәртіп бұзушылықтың алдын алу бағытында да жоспарланған жұмыстар өз деңгейінде атқарылуда. Аталған бағытта №2а, №1 А, №5, №6, №7, №3 (Щучинск қаласында), №8 жатақханаларға орнатылған бейне-бақылау құрылғылары жатақханадағы тазалық жұмыстарын реттеуге, тәртіп бұзушылықтың алдын алуға өз септігін тигізуде.
Әрбір жатақханада студенттік асхана жұмыс жасайды. Онда кешенді түскі ас 900 теңге құрайды.
Студенттік жатақханаларда 1 айға тұру ақысы - 15 000 теңгені құрайды. ( №5,6 жатақханалар - 13 000тг, №7 жатақхана - 16 000тг, №8 жатақхана үшін - 20 000 теңге).
Барлық жатақханада интернет желісі іске қосылған. Студенттік жатақхананың әр бөлмесі ғаламтор жүйесімен, тоңазытқыштармен қамтамасыз етілген. Жатақханалар сабаққа дайындалу бөлмелері, компьютерлік сыныптар, кір жуу бөлмелері жабдықталған.
Сонымен қатар, №7, №6 жатақханалар жанында шағын футбол алаңдары орналасқан.
Студенттік жатақханалардағы өзін-өзі басқару жүйесі жайлы айтар болсақ, бұл жүйенің өзіндік орны мен қалыптасқан дәстүрлері баршылық деп айтуға болады. Университеттің 65 жылдық тарихында студент-жастар өзінің ұйымдастырушылық қабілеті мен белсенділігі арқылы көзге түсіп келеді.
Бүгінде жастар қалыптасқан игі дәстүрлерді дамытып, университет абыройын арттырып жүргендері ауыз толтырып айтарлықтай.
Оқу орнымыздағы Студенттік өзін-өзі басқару – университет білімгерлерінің өміріне ғана емес, басқа жоғары оқу орындарының студенттеріне де үлгі. Әсіресе, студенттік өзін-өзі басқарудың жатақхана жастары үшін табысты болғанын атап айта аламыз. Онда Студенттер кеңесі жатақханадағы ережелерді сақтау, тұрмыстық қажеттілікке сай жағдай жасау мәселелері бойынша маңызды жұмыстар атқарады. Соңғы жылдары қалыптасқан жүйе бойынша жатақхананың Студенттік кеңесі шешім қабылдау құқығына ие болды. Яғни, университет басшылығы студенттерге сенім арту арқылы жатақхана тәртібін қамтамасыз ететін оңтайлы әдісті таңдады.
«С.СЕЙФУЛЛИН АТЫНДАҒЫ ҚАТУ» КеАҚ БІЛІМ АЛУШЫЛАРЫНА ЖАТАҚХАНА БЕРУ ТӘРТІБІ ТУРАЛЫ ЕРЕЖЕ
Жатақханаға орналастыру жадынамасы
Жатақханадан орын беруге өтініш беру бойынша нұсқаулық
