Орман шаруашылығы және қоршаған орта білім беру бағдарламалары тобы 2021 жылғы 30 сәуірде өз қызметін бастаған Орман шаруашылығы, жабайы табиғат және қоршаған орта факультетінің негізінде құрылды. Факультетте 2000-нан астам маман даярланды. Олардың көпшілігі Қазақстанның ғана емес, ТМД елдері мен алыс шетелдердің ұлттық экономикасында жетекші инженерлік-басқарушылық қызметтер атқаруда.
Факультет құрамында 3 кафедра болды:
Орман ресурстары және орман шаруашылығы кафедрасы;
Аңшылықтану және балық шаруашылығы кафедрасы;
Экология кафедрасы
«Орман ресурстары және орман шаруашылығы» кафедрасы
Орман шаруашылығы және экология саласы бойынша мамандар даярлау 2001 жылы Қазақстан Республикасы Президенті Н.Ә. Назарбаевтың Астана қаласының айналасында жасыл белдеу құру жөніндегі тапсырмасына сәйкес басталды. Қазіргі уақытта бұл аймақ жабайы жануарлардың мекендеу ортасына айналып, нағыз орман алқабы қалыптасты. Орман экологияның құрамдас бөлігі болғандықтан, осы бағыттарды біріктіріп маман даярлау қажеттілігі туындады.
Орман шаруашылығы мамандарын даярлау 2001 жылдан бастап агрономиялық факультетте жүзеге асырылды. Осы кезеңде мамандық атаулары жіктеуіштің өзгеруіне байланысты бірнеше рет өзгерді:
2001 ж. – 4515 «Орман және саябақ шаруашылығы»;
2004 ж. – 05807 «Орман шаруашылығы ісі»;
2010 ж. – 5В080700 «Орман ресурстары және орман өсіру»;
2008 ж. – 6М080700 «Орман ресурстары және орманшылық» (магистратура ашылды);
2013 ж. – осы мамандық бойынша PhD докторантура ашылды.
2019 жылы «Ландшафты дизайн және көгалдандыру», «Қорғаныш орман өсіру» білім беру бағдарламалары болып ашылды, 2024 жылы «Орман ресурстары және орманшылық» білім беру бағдарламасы жаңартылып қайта енгізілді.
Алғашында бітіруші кафедра ретінде «Егіншілік» кафедрасы жауапты болды, кейін «Экология және орман шаруашылығы» кафедрасы құрылып, 2012 жылы «Орман ресурстары және орман шаруашылығы» кафедрасы болып қайта құрылды.
2001–2012 жылдары кафедраларды әр жылдары: а.ш.ғ.к, А.О.Амралин, а.ш.ғ.к, И.И.Жұмағұлов, т.ғ.к., К.Б.Масенов, а.ш.ғ.д., Д.Н.Сарсекова, а.ш.ғ.к, Ж.Т.Боранбай, PhD, Т.С. Абжанов басқарды.
2005 жылы Астана қаласының әлеуметтік-экономикалық даму қорытындылары мен елорданы дамыту міндеттерін айқындау барысында Елбасы орман шаруашылығы мамандарын даярлаудың маңыздылығын атап өтіп, ҚР Білім және ғылым министрлігіне Қазақ агротехникалық университеті жанынан тиісті факультет ашуды тапсырды.
2006 жылы орман шаруашылығы мамандарының тәжірибелік даярлығын жетілдіру мақсатында Щучинск қаласындағы Орман шаруашылығы ғылыми-зерттеу институты базасында заманауи құрал-жабдықтармен жабдықталған «Сарыарқа» оқу-ғылыми-өндірістік кешені пайдалануға берілді. 1–2 курс студенттері Астана қаласында, ал 3–4 курс студенттері «Сарыарқа» кешенінде білім алады.
2008 жылдан бастап кафедра магистранттар даярлауда. 2013 жылдан магистратурада оқыту көптілді бағдарлама (қазақ, орыс, ағылшын тілдерінде) бойынша жүргізіледі.
2013 жылы университетке 6D080700 – «Орман ресурстары және орман өсіру» мамандығы бойынша PhD докторларын даярлау лицензиясы берілді.
2001 жылдан бері орман шаруашылығы саласында 450-ден астам маман даярланды.
«Экология» кафедрасы
Кафедраның тарихы 1980 жылы «Табиғатты қорғау» кафедрасының құрылуынан басталады. Алғашқы меңгерушісі – а.ш.ғ.д., профессор М.Е.Васильев. Кейін кафедра «Жер мелиорациясы және табиғатты қорғау» деп аталды. Әр жылдары кафедраны В.А.Вильмс, М.Б.Бедебаев, Н.И.Вумбальдт, М.Г.Чекаев басқарды.
1994 жылы кафедра таратылып, пәндер мен оқытушылар жерге орналастыру факультетіне ауыстырылды. 1995 жылы жер кадастры, кейін геодезия кафедрасымен біріктірілді.
2001 жылы «Агроэкология» мамандығы ашылып, «Агроэкология және агрохимия» кафедрасы құрылды. Кафедра меңгерушілері: б.ғ.д. В.К.Ажбенов, а.ш.ғ.д., профессор В.Г.Черненок, PhD, доцент Ұ.Ж.Байдүйсен.
2008 жылы б.ғ.д. А.П.Науанова кафедра меңгерушісі болып сайланды. 2008–2009 оқу жылында «Экология және орман шаруашылығы» кафедрасы құрылып, меңгерушісі И.И.Жұмағұлов болды.
Кейінгі жылдары кафедраны К.Б.Масенов, С.М.Күлжанова, Ұ.Ж.Байдүйсен басқарды. Одан кейінгі меңгерушілер:
г.ғ.к., С.М.Күлжанова (2013 ж.);
PhD, Г.Е.Саспугаева (2013–2015 жж.);
б.ғ.к., доцент Г.К.Сатыбалдиева (2015–2022 жж.);
б.ғ.к., Б.З.Жұмаділов (2022–2023 жж.).
б.ғ.к., доцент Г.К.Сатыбалдиева (2023–2025 жж.) жетекшілік етті;
Мамандар келесі білім беру бағдарламалары бойынша дайындалады:
6B05201 Табиғат пайдалану;
7M08307 Табиғи ресурстарды тұрақты басқару.
«Аңшылықтану және балық шаруашылығы» кафедрасы
Кафедра 2001 жылы құрылды. Мамандар даярлау келесі білім беру бағдарламалары бойынша жүзеге асырылады:
6В08301 – «Аңшылықтану және аң өсіру»;
6В08401 – «Аквакультура және су биоресурстары»;
7М08401 – «Интенсивті балық өсіру»;
7М08301 – «Табиғи биоресурстарды ұтымды пайдалану»;
8D08302 – «Жабайы табиғат».
2001–2007 жж. кафедраны а.ш.ғ.к., доцент Ж.К.Куржыкаев басқарды. Кейін әр жылдары в.ғ.к., доцент К.Н.Сыздықов, а.ш.ғ.к., қауым.професор С.Н.Нарбаев, б.ғ.к., доцент Ж.М. Қарагойшин, б.ғ.к., PhD, Г.А.Аубакирова жетекшілік етті.
2010 жылғы 7 қазанда университет жанынан «Балық шаруашылығы» ғылыми-зерттеу орталығы құрылды.
Кафедра шетелдік жоғары оқу орындарымен тығыз байланыс орнатқан. Ресейдің Иркутск мемлекеттік ауыл шаруашылығы академиясымен, Б.М. Житков атындағы Бүкілресейлік аңшылықтану және аң өсіру ҒЗИ-мен, Вятка ауыл шаруашылығы академиясымен, Астрахань мемлекеттік техникалық университетімен ынтымақтастық туралы келісімдер жасалған.
Оқытушылар Түркиядағы ФАО семинарына, Қытайдағы тұщы су балық шаруашылығы ғылыми орталығына, Ресейдің жоғары оқу орындарына барып, біліктіліктерін арттырды.
Түлектеріміздің қатарында халықаралық деңгейде білім алған мамандар бар. Мысалы, Нұрғалиев Р. Франциядағы Сорбонна университетінің магистратурасын аяқтаған. Академиялық ұтқырлық бағдарламасы аясында магистранттар Польшада білім алды.
.jpg)
.jpg)
.jpeg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
