Студенттермен патриоттық бағыттағы тәрбие жұмысы дөңгелек үстел, әңгіме, ашық дәрістер, диспуттар сияқты шаралар арқылы өткізіледі.
ЖОО студенттерінің арасында Республикалық жас ақындар жыр мүшәйрасын өткізу дәстүрі 2019 жылдан басталған.
2019 жылдың қараша айында І Республикалық жас ақындардың жыр мүшәйрасы өткізілсе, ІІ республикалық жас ақындардың жыр мүшәйрасы 2020 жылдың қараша айында өткізілді. «Мен – қазақпын, биікпін, байтақ елмін...» атты ІІ республикалық жас ақындардың жыр мүшәйрасы Сəкен Сейфуллиннің 126 жылдығы мен Жұбан Молдағалиевтың 100 жылдығына арналған болатын.
Мүшайраға еліміздің жоғары оқу орындарының талантты, өлең жазып, қаламын ұштап жүрген елу студентінен өтінім қабылданып, талпыныс білдірген жас ақындардың өлеңдерін Қазақстан жазушылар одағының мүшесі, ақын Жұмағали Қоғабай, С.Сейфуллин мұражайының қызметкері, ақын Мұқият Қойшыбай және Әдебиет порталының редакторы, ақын Арман Шеризат сараптамадан өткізіп, өз бағаларын берді.
2021 жылдың 5 қарашасында С.Сейфуллин атындағы Қазақ агротехникалық университетінің Жастар саясаты және әлеуметтік мәселелер жөніндегі департаменті мен Гуманитарлық факультеттің қазақ және орыс тілдері кафедрасының ұйымдастыруымен Қазақстан Республикасы Тәуелсіздігінің 30 жылдығына және Сәкен Сейфуллиннің 127 жылдығына арналған «Ұлы дала үні» атты ІІІ республикалық жас ақындар жыр мүшәйрасы өтті.
Кафедра ұжымы студенттермен аса белсенділікпен тәрбие жұмысын өткізеді. Жыл сайын оқытушылар «Тәуелсіздік күні», «Наурыз», «Жеңіс күні», «Ата заң күні» сияқты ресми мемлекеттік мерекелер қарсаңында тақырыбы, көлемі, сипаты мен бағыты жағынан әртүрлі тәрбие сағаттарын – кураторлық сағаттар, дәріс сағаттары және т.б. шараларды - өткізеді, олардың негізгі тақырыптары: «Конституция – елдің негізгі заңы», «Тәуелсіздік жолында», «Жеңіс күні», «Қазақстанның мемлекеттік рәміздері».
2022-2023 жылдары кафедра оқытушылары Президент К.К. Тоқаевтың бағдарламалық мақалаларының шеңберінде студенттер жатақханаларында насихаттау мақсатында дәрістер өткізуде; сонымен қатар, мына тақырыптарда ашық шаралар өткізілді: «Толеранттылық – болашақ ұрпақты оқыту мен тәрбиелеудің маңызды факторы» атты дөңгелек үстел (Р.О. Туксаитова, Г.Т. Омарова, А.Ш. Альбекова), «Тіл – ортақ байлық» атты тәрбие сағаты (Ж.М.Тулеужанова, А.Акажанова), Тіл аптасы шеңберінде «Білгіштер» іскер ойыны (Г.А. Кукенова), «Тіл – халық байлығы» атты тәрбие сағаты (Г.Т. Омарова, А.С. Алдабергенова) «Бiлiм – болашаққа апарар жол» (Т.Қ. Бәлкен, З.К. Курманова) және т.б.
2023-2024 оқу жылы Мемлекет басшысы Қ.К. Тоқаевтың Қазақстан халқына Жолдаулары шеңберінде мына тақырыптарда тәрбие сағаттарын өткізу жоспарланып отыр: «Заман талабына сай тиімді мемлекет» (А.Ш.Тлеулесова), «Әлеуметтік жаңғырудың жаңа кезеңі» (А.Ш. Нуржанова,М.К.Акошева), «Азаматтардың құқықтары мен қауіпсіздігін қамтамасыз ету» (Т.Қ. Бәлкен, З.К.Курманова) т.б.
Жыл сайын 1 курс студенттерінің белсенді қатысуымен қазақ және орыс тілдерінен университеттік пән олимпиадаларын өткізу дәстүрге айналған.
Кафедраның жоспарына сәйкес ПОҚ студенттердің ғылыми-зерттеу жұмысына ғылыми жетекшілік етеді.
Университеттің барлық факультеттерінің студенттері жыл сайынғы «Сейфуллин оқулары» атты ғылыми конференцияның секциялық отырыстары жұмысына баяндамалармен белсенді қатысады, ғылыми жетекшілікті кафедра оқытушылары атқарады.
Оқу жылы барысында yниверситеттің әртүрлі факyльтеттерінің студенттік топтарында кафедра оқытушылары аса белсенділікпен кураторлық жұмысты атқарады.
Кураторлардың жұмысы ЖОО-ның «Академиялық топтың кураторы жөнінде» атты ережесіне сәйкес өткізіледі. Кураторлық сағаттарды өткізуде елдің өзекті мәселелері туралы ақпараттық-аналитикалық материалдар қолданылады, сондай-ақ, білім сапасы мен сабаққа қатысу мәселелері үнемі бақылауда болады.
Кафедраның негізінде әртүрлі клубтар ашылған. Ағымдағы оқу жылы клубтар жұмысын жалғастырyда. Клубтар әртүрлі бағытта жұмысын атқарады: «Дарынды жастар» (жетекшілері Бәлкен Т.Қ., Абикенов М.Т ), «Руханият» (жетекшісі Т.Ж. Токсанбаева). Клуб жұмысының шеңберінде әртүрлі тақырыптарда шаралар өткізіледі: дебаттар, конкурстар, дөңгелек үстелдер және т.б. тәрбие шаралары.
Қазіргі таңда кафедра ұжымы негізгі жұмысын студенттердің білім сапасын жоғарылату бағытында өткізеді, құрылымдық жағынан әртүрлі болатын қазақ және орыс тілдерін салғастырмалы-типологиялық зерттеу, аударманың теориясы мен практикасы, мәдениетаралық коммуникация жәнет.б. мәселелері бойынша белсенді жұмыс атқарады. Осының барлығын кафедрада, жалпы айтқанда, факультетте де гуманитарлық білімнің жоғары деңгейде болуының дәлелі деп санауға болады.
