Просмотров: 805
С.Сейфуллин атындағы Қазақ агротехникалық зерттеу университетінің базасында «Телекоммуникациялар» дайындау бағыты бойынша XVI республикалық пәндік студенттік олимпиадасы өз жұмысын бастады.
Республикалық пәндік олимпиаданың жұмысын беташар сөзбен ашқан С.Сейфуллин атындағы ҚазАТЗУ Басқарма төрағасы-Ректоры, ҚР ҰҒА академигі Қ.М.Тіреуов Республикалық пәндік XVI олимпиадаға қатысушыларды шын жүректен құттықтай отырып,
- Республикалық олимпиада мемлекет және қоғам қайраткері, қазақ әдебиетінің негізін қалаушылардың бірі, дауылпаз ақын С.Сейфуллиннің туғанына 130 жыл толуына орай, С.Сейфуллин атындағы ҚазАТЗУ қабырғасында өткізіліп отыр. Жоғарғы оқу орындарының студенттері арасында өткізіліп отырған бұл байрақты бәсекеге Алматы, Тараз, Павлодар, Қарағанды, Шымкент, Петропавл, Өскемен және басқа да өңірлердегі ЖОО 15 команда келіп қатысуда. Олимпиадаға қатысып, бақ сынағысы келген студенттерге алғысымды айтамын. Ізденістеріңіз бен талаптарыңызға нұр жаусын. Сіздердің жетістіктеріңіз бәсекеге төтеп беруге мүмкіндік туғызады. Сіздердей талабы зор студенттер оқуын әрі қарай магистратура, докторантурада білімдерін жалғастыруға тиіс деп ойлаймын. Сол кезде үлкен өмір жолында жұмыс берушілер сіздердің жинаған білімдеріңізге қарайтын болады. Сіздердің бұл пәндік олимпиадаға қатысуларыңыз – сіздерге жаңа мүмкіндіктер сыйласын. Осы уақытқа дейін жинаған білімдеріңіз бұл сайыстан алып шықсын!»,- деп сәттілік тіледі.
Пәндік олимпиаданың ашылу салтанатында С.Сейфуллин атындағы ҚазАТЗУ Басқарма төрағасы-Ректоры, ҚР ҰҒА академигі Қ.М.Тіреуов ҚР Парламенті Мәжілісінің депутаты, ХАА академигі Т.Ғ.Серіковтың олимиадаға қатысушыларды құттықтағанын хабарлады.
Мұнан соң сөз алған «Ұлттық аграрлық ғылыми-білім беру орталығы» КеАҚ, Білім беру және білімді тарату басқармасының бас менеджері Қ.А.Елемесов, «Galam» ЖШС Ғарыштық техниканың арнайы конструкторлық бюросының жетекші инженер-конструкторы, физика-математика ғылымдарының докторы Қ.С.Бақтыбеков пен С.Сейфуллин атындағы Қазақ агротехникалық зерттеу университетінің профессоры, физика-математика ғылымдарының докторы А.С.Ногай олимпиада қатысушыларына сәттілік тіледі.
Олимпиада бүгін кезең-кезеңімен секциялық жұмыстар бойынша университеттің бас ғимаратында өтуде. Түске дейін команда жетекшілеріне арналған дөңгелек стол ұйымдастырылған.
