Бүгін, 2024 жылдың мамырдың 20-шы жұлдызында, С. Сейфуллин атындағы Қазақ агротехникалық университетінің 6В06102 – «Бизнес-информатика» және 6В06103 – «Компьютерлік инженерия» білім беру бағдарламаларының студенттері 10 апталық дайындықтан кейін Қазақстандағы 1С өкілдігінде оқыту және жұмысқа орналастыру бағдарламасы бойынша сертификатталды.
2023 жылдың 13 желтоқсанында қол қойылған 01/23 М-12833 меморандумға сәйкес «ИнфоСофтПром» ЖШС (Қазақстандағы 1С өкілі) атынан КАТЗУ студенттеріне сертификаттар беру және кейіннен жұмысқа орналастыру арқылы оқыту үшін 10 грант бөлінді.
Оқуды бітірген екі студент компанияның негізгі кеңсесіне қабылданады, қалғандары серіктес компанияларға ұсыныстар алады.
«ИнфорСофгПром» ЖШС-не оқыту және жұмысқа орналастыру бағдарламасын ұйымдастырғаны үшін алғыс білдіреміз және одан әрі ынтымақтастыққа үміттенеміз!
