АҚШ-тан профессордың сапары
2022 жылдың 5-9 желтоқсан аралығында Сәкен Сейфуллин атындағы Қазақ агротехникалық университетінің Орман шаруашылығы, жабайы табиғат және қоршаған орта факультетіне АҚШ-тың Джорджия университеттерінің жүйесіне кіретін, Тифтон қаласындағы Абрахам Болдуин колледжінің профессоры, қазіргі уақытта Fulbright бағдарламасының аға стипендиаты, Непалдағы Трибхуван университеті, Орман институтында жұмыс атқарып жүрген, Эндрю Иган келді.
Сапар мақсаты – орман шаруашылығы саласында дәрістер оқу, АҚШ, Непал және Қазақстан ғалымдары арасындағы ынтымақтастықты нығайту.
Университет басшылығынан Профессор Эндрю Иганды Басқарма төрағасының стратегиялық даму және халықаралық байланыстар жөніндегі орынбасары Е.Н.Нысанбаев, Басқарма төрағасының ғылым және инновациялық қызмет жөніндегі орынбасары И.Т.Токбергенов қабылдады. Әңгімелесу барысында ғылым және білім саласындағы ынтымақтастық мәселелері, Джорджия университеттері жүйесімен және Непалдың Трибхуван университетінің Орман институтымен өзара ынтыматастық туралы меморандумға қол қою мәселелері талқыланды.
Сапар барысында профессор Эндрю Иган «Орман ресурстары және орман шаруашылығы» кафедрасының қызметкерлерімен кездесті, кафедраның магистранттары, докторанттары және профессорлық-оқытушылық құрамы үшін келесі тақырыптарда дәріс оқыды: орман шаруашылығын басқарудың озық тәжірибелері, орман шаруашылығы жұмыстарының өзара әрекеттесуі, орман шаруашылығы және орман ортасы, орман және су айдындарын қалпына келтірудің әлеуметтік-экономикалық және экологиялық аспектілері. Сонымен қатар «АҚШ пен Непалдағы орман шаруашылығы» тақырыбында кәсіби ауызша ағылшын тілі клубының отырысы өтті.
Профессор Эндрю Иган, Қазақстан Республикасының Экология, геология және табиғи ресурстар министрлігінің, Орман шаруашылығы, жануарлар дүниесі және қоршаған ортаны қорғау комитеті ұйымдастырған, Астана қаласының Ботаникалық бағы базасында «Орман шаруашылығының дамуы мен мәселелері, АҚШ пен Қазақстанда кадрларды даярлау» атты дөңгелек үстелге қатысты. «Орман шаруашылығы, жануарлар дүниесі және қоршаған ортаны қорғау комитеті», Астана қаласының Ботаникалық бағы, «Жасыл Аймақ» РМК, сондай-ақ С.Сейфуллин атындағы қазақ агротехникалық университеті, Орман шаруашылығы, жануарлар дүниесі және қоршаған орта факультетінің деканы Сарсекова Д.Н., орман ресурстары және орман шаруашылығы кафедрасының меңгерушісі Боранбай Ж.Т., кафедра доценті Тоқтасынов Ж.Н., факультеттің халықаралық ынтымақтастық үйлестірушісі Китайбекова С.О. және кафедраның профессорлық-оқытушылық құрамы қатысты. Дөңгелек үстелге қатысушылар Қазақстан, АҚШ және Непалдағы орман шаруашылығын дамыту және мамандарды даярлау мәселелерін талқылап, соңында Ботаникалық бақтағы жылыжайларға экскурсия жасалынды.
Орман шаруашылығы, жабайы табиғат және қоршаған орта факультетінде дәріс оқу
Шет тілдері кафедрасындағы Семинар, ҚР салт-дәстүрлерімен танысу
Ботаникалық бақтағы дөңгелек үстел
"Сарыарқа" ОӨҒК, "Бурабай"ұлттық паркі
2016-2019 жылдары SUSDEV «Тұрақты даму үшін өмір бойы оқыту» жобасы жүзеге асырылды. Жоба әртүрлі мақсатты топтардың жасыл дағдыларын дамытуға ықпал ететін және өмір сапасымен тығыз байланысты үш түрлі бағыт (экология, тамақ өнімдері ғылымы және жер ресурстарын басқару) үшін үздіксіз білім беру бағдарламаларын әзірлеуге бағытталған.
Бұл жобаның мақсаты жоғары оқу орындарының тұрақты дамудағы рөлін күшейту болып табылады. Индустрия мен қоғамның дамуы, серіктес елдерде ұлттық жасыл саясатты қолдау және өмір бойы білім алу арқылы жасыл мәдениетті насихаттау. Жобаның мақсаты түрлі мақсатты топтар мен дағды деңгейлері үшін жасыл дағдыларды ынталандыру модульдерін жасау; мақсатты топтардың білім беру ресурстарының ашылуын қамтамасыз ету; жасыл мәдениетті және үздіксіз білім беруді оқытушылар құрамын, сыртқы мүдделі тараптарды және мемлекеттік басқаруды оқыту арқылы жетілдіру; білім мен жұмыста «жасыл дағдылардың» маңыздылығын арттыру.
Жобаның үйлестірушісі - Варшава өмір туралы ғылымдар университеті. Бағдарлама нәтижесінде жұмыс берушілерге арналған магистрлік бағдарлама бойынша курстар дайындалып, Щучинск қаласында «Жасыл дағдылар орталығы» ашылды
Академиялық ұтқырлық аясында шетелдік ғалымдар (Аким Доренбуш - Германиядан - Михель Засада және Кшиштов Бетковский - Польшадан, Людек Шишек - Чехиядан, Альфас Плюра - Литва, Ольга Вайшля - Ресей, Сезгин Аян - Түркия, Александр Ташев - Болгариядан) келіп мамандық бойынша 3-4 курс студенттеріне сабақ өткізді.
2019 жылғы 17-29 маусымда Щучинск қаласында «Priorities of Forest Science and innovation for youth» VI Халықаралық жазғы мектеп өтті, оған Түркия, Ресей, Қырғызстан, Өзбекстан және Қазақстан жоғары оқу орындарының 29 студенті, магистранттары мен докторанттары қатысты, Қазақстанның ЖОО: М. Қозыбаев атындағы СҚМУ, С.Торайғыров атындағы ПМУ, Шәкәрім атындағы Семей мемлекеттік университеті, Жәңгірхан атындағы БҚУ, С.Сейфуллин атындағы ҚазАТУ және шақырылған ғалымдардан ауылшаруашылық ғылымдарының докторы С.Меншиков (Екатеринбург, Ресей) және О.Султангазиев (Австрияның BOKU университетінің, К.Скрябин атындағы Қырғыз мемлекеттік университетінің түлегі).
.jpg)
