Просмотров: 683
Бүгін елімізде Ашаршылық пен қуғын-сүргін құрбандарын еске алу күні өтуде. Аталмыш күнге орай Қазақстан тарихы кафедрасының профессорлар-оқытушылық құрамы университеттегі әріптестеріне арнайы дәріс оқыды. Әр факультетте бір сәтте өткен дәріс миллиондаған адамдардың өмірін алған аштық пен саяси қуғын-сүргін құрбаны болған еліміздің тарихындағы қайғылы беттерге арналды. Аштықтың және қуғын-сүргіннің себептері мен ауқымы, оның адамзатқа тигізетін ауыр зардаптары туралы мазмұнды дәрісте тың архив құжаттарынан, жаңа зерттеулерден мысалдар келтірілді.
Сондай-ақ, Мемлекеттік хатшы Е.Кариннің басшылығымен жүргізілген саяси қуғын-сүргін құрбандарын толық ақтау жөніндегі мемлекеттік комиссияның жұмысының қорытындысы туралы сөз болды. Дәріске қатысқан әрбір тыңдаушы-оқытушылар да өз әулеттеріндегі естеліктерімен бөлісіп, сұрақтарын қойып, талқылаулар өткізді. Шара қорытыныдысы ретінде осы тәжірибе дәстүрлі түрде қолға алынса деген ұсыныс та айтылды.
Дәріс тыңдаушылардың қызығушылығын тудырды.
