2026 жылғы 24 сәуірде Л.Н. Гумилев атындағы Еуразия ұлттық университеті базасында университеттің 30 жылдығына арналған «Экономикалық даму, қаржылық тұрақтылық және мемлекеттік аудит» тақырыбындағы жоғары оқу орындары арасындағы пәндік олимпиада өтті.
Аталған білім сайысына «Бухгалтерлік есеп, аудит және салықтық консалтинг» және «Қаржылық аналитика» білім беру бағдарламаларының 3-4 курс студенттері қатысты.
Олимпиада бағдарламасы төрт кезеңнен тұрды:
- «Менің мамандығым» тақырыбындағы командалық бейнероликті таныстыру;
- команда мен оқу орнын таныстыру;
- базалық пәндер бойынша тестілеу;
- ситуациялық тапсырманы орындау.
Олимпиадаға барлығы 5 команда қатысты, оның ішінде:
- Е.А. Бөкетов атындағы Қарағанды университеті,
- А.Қ. Құсайынов атындағы Еуразиялық гуманитарлық институт,
- Л.Н. Гумилев атындағы Еуразия ұлттық университеті, сондай-ақ,
- С. Сейфуллин атындағы Қазақ агротехникалық зерттеу университеті-нің екі командасы.
Барлық кезеңдердің қорытындысы бойынша С. Сейфуллин атындағы Қазақ агротехникалық зерттеу университеті-нің екі командасы екінші және үшінші орындарға ие болды:
- AUDIT VISION командасы – II орын Менторлар: Абдыкерова Г.Ж., Ибраева С.К.;
- AUDIT MASTERS командасы – III орын Ментор: Кулекешова А.Б.
Студенттерімізді жоғары нәтижелерімен құттықтаймыз! Олардың жетістіктері университетіміздің білім беру сапасы мен ғылыми әлеуетінің жоғары деңгейін көрсетеді.
Алдағы уақытта да жаңа жетістіктер мен кәсіби табыс тілейміз!
2026 жылғы 21 сәуірде «Қаржылық аналитика» білім беру бағдарламасының 3-курс студенттері — Қайнуллин Данияр, Сексимбаев Курман және Сериковна Альбина Ресей Федерациясының Пермь қаласында өткен «Экономика және басқару: өзекті мәселелер және шешу жолдарын іздеу» атты жас ғалымдар мен студенттердің ғылыми-зерттеу жұмыстарының Бүкілресейлік байқауына қатысты.
Байқау қорытындысы бойынша студенттеріміз жоғары дайындық деңгейін көрсетіп, жүлделі I орынды иеленді.
Қатысушылар I дәрежелі дипломдармен марапатталды.
Студенттерімізді ғылыми-зерттеу саласындағы жоғары жетістіктерімен құттықтаймыз!
«Бизнес және цифрлық технологиялар» институтының аға оқытушылары, ғылыми жетекшілері — Жолдоякова Г. Е. және Жакишева К. М. — білім алушылардың ғылыми жұмыстарын сапалы басқарғаны үшін алғыс хаттармен марапатталды.
Алдағы уақытта жаңа жетістіктер мен ғылыми табыстар тілейміз!
2026 жылдың 01 сәуірде “Бизнес және цифрлық технологиялар” институтында өткен «Student’s scientific clubs promotion» байқауы аясында студенттердің ғылыми-зерттеу, аналитикалық және инновациялық қызметін дамытуға бағытталған ауқымды іс-шара ұйымдастырылды.
Аталған іс-шараға “Қаржылық аналитика” білім беру бағдарламасының 4 курс студенттері белсенді қатысып, ғылыми клуб көрмесін өткізді. Көрменің мақсаты – төменгі курс студенттерін ғылыми ортаға тарту және ғылыми клубтардың қызметін кеңінен таныстыру болды.
Көрме барысында студенттер өздерінің ғылыми жобаларын, зерттеу нәтижелерін және қаржылық талдау бағытындағы практикалық жұмыстарын ұсынды. Сонымен қатар, қатысушылар үшін интерактивті бөлім ұйымдастырылып, қызықты сұрақтар, танымдық ойындар өткізді және фото/видиолық түсірілімдер жасады. Белсенділік танытқан студенттерге арнайы сыйлықтар табысталды.
Іс-шара қонақтары ұсынылған жобалармен танысып қана қоймай, студенттерге сұрақ қойып, тәжірибе алмасу мүмкіндігіне ие болды. Сонымен қатар, ғылыми клубқа қосылу шарттары мен артықшылықтары туралы толық мәлімет берілді.
Аталған көрме студенттердің ғылыми әлеуетін арттыруға, шығармашылық ойлау қабілеттерін дамытуға және болашақта кәсіби маман ретінде қалыптасуына үлкен ықпал етеді. Ұйымдастырушылар мұндай іс-шаралар алдағы уақытта да жалғасын табатынына сенеміз!
2026 жылдың 30 наурызында «Жас бухгалтер» ғылыми клубы Бизнес және цифрлық технологиялар институты ұйымдастырған «Student's scientific clubs promotion» байқауына қатысты. Аталған байқау студенттердің ғылыми-зерттеу, аналитикалық және инновациялық қызметін дамытуға бағытталған.
Іс-шара барысында «Жас бухгалтер» ғылыми клубы таныстырылып, қатысушылардың негізгі ғылыми жетістіктері мен клубтың болашақтағы даму жоспары ұсынылды.
«Жас бухгалтер» ғылыми клубының мақсаты – бухгалтерлік есеп саласында кәсіби дағдыларды қалыптастыру және нақты тәжірибеге дайын білікті мамандарды даярлау.
Клуб мүшелері – «Бухгалтерлік есеп, аудит және салық консалтингі» білім беру бағдарламасының 1–3 курс студенттері.
Бізге қосылыңыз – және кәсіби болашағыңызды бүгіннен бастап қалыптастырыңыз!
Халықаралық XII Еуразиялық студенттер олимпиадасы – 2026
Минск, Беларусь Республикасы
Бизнес және цифрлық технологиялар институтының төртінші курс студенттері — команда капитаны Рахим Аружан Жанатқызы, команда мүшелері Жамшибаева Айдана Жанатқызы және Жанаберген Жанар Абайқызы — аға оқытушы Гүлден Еділқызы Жолдоякованың жетекшілігімен INSAGHT командасын құрып, аналитикалық экономика және болжау бойынша ХII Еуразиялық студенттер олимпиадасына қатысты. Олимпиаданы Беларусь Республикасының Минск қаласындағы Беларусь мемлекеттік университетінің экономика факультеті ұйымдастырды.
Олимпиаданың іріктеу кезеңіне 40 команда ЕАЭО бойынша жоғары оқу орындарынан шамамен 150 студент қатысты. Финалға Беларусь, Ресей, Қазақстан және Армениядан 17 команда шықты.
БМУ экономика факультеті өткізген XII Еуразиялық студенттер олимпиадасының аналитикалық экономика және болжау бойынша финалдық кезеңі 2026 жылдың 2 наурызында өтті. Зияткерлік жарыс XII Еуразиялық ғылыми-практикалық студенттер форумының «Аналитикалық экономика және 2030 жылға дейінгі болжау» аясында өтті.
Олимпиада финалы екі блоктан тұрды: Бірінші блокта үш аналитикалық кейс бойынша жұмыс істейтін топтар қатысты. Екінші блокта командалар Олимпиаданың бірінші сырттай кезеңінде жүргізілген зерттеу нәтижелерін ұсынып, сарапшылар алдында өз тұжырымдарын қорғауы керек болды.
Олимпиада қорытындысы бойынша С. Сейфуллин атындағы ҚАТЗУ-дың атынан шыққан INSAGHT командасы «Үздік аналитикалық гипотеза» номинациясы бойынша дипломмен марапатталды.
Бұл олимпиада студенттердің аналитикалық ойлауын дамытуға, жаңа дағдыларды, білім мен тәжірибені игеруге, сондай-ақ ЕАЭО елдері арасындағы академиялық және ғылыми ынтымақтастықты нығайтуға ықпал етті.
Олимпиада аясында «Бизнес пен білім берудегі жасанды интеллект» тақырыбында дөңгелек үстел өтті. Ғылыми-практикалық іс-шараға ЕАЭО елдерінің – Беларусь Республикасы, Қазақстан Республикасы, Армения Республикасы және Ресей Федерациясының ғалымдары қатысты.
С. Сейфуллина атындағы ҚАТЗУ-да 1С:Кәсіпорын платформасындағы бағдарламалау бойынша халықаралық олимпиаданың аймақтық кезеңі өтті
2026 жылғы 17 ақпанда С. Сейфуллин атындағы Қазақ агротехникалық зерттеу университетінде 1С:Кәсіпорын платформасындағы программалау бойынша халықаралық олимпиаданың аймақтық кезеңі өтті. Бұл жарыс студенттердің ақпараттық технологиялар және бизнес-процестерді автоматтандыру саласындағы кәсіби даярлығын арттыруға бағытталған маңызды білім беру іс-шараларының бірі болып табылады.
Олимпиадаға 6В06102 – «Бизнес-информатика» білім беру бағдарламасының 2–3 курс студенттері және 7М06102 – «Есептеу жүйелері мен технологиялары» білім беру бағдарламасының магистранттары қатысты. Қатысушыларға программалау саласындағы терең білімді, соның ішінде динамикалық программалау әдістерін, сондай-ақ 1С:Кәсіпорын ортасында деректермен тиімді жұмыс істеу дағдыларын талап ететін күрделі тапсырмалар ұсынылды.
Олимпиаданың негізгі мақсаттары: студенттердің бағдарламалау және логикалық ойлау қабілеттерін дамыту; 1С:Кәсіпорын платформасында жұмыс істеу бойынша практикалық құзыреттерін нығайту; бизнес-процестерді автоматтандыру мен бағдарламалық шешімдерді әзірлеуге қызығушылықты арттыру.
Қазылар алқасының төрағасы – 1С компаниясының (edu@1c.kz) өкілі Абдығапаров Әсет Мерекеұлы.
Олимпиада қорытындысы бойынша жүлделі орындар келесідей анықталды:
1-орын – Балтабаев Дамир,
2-орын – Ахметжан Аслан,
3-орын – Берикова Аружан.
Жеңімпаздар мен барлық қатысушыларды шын жүректен құттықтаймыз! Сіздерге жаңа жетістіктер, кәсіби табыс және ғылыми-білім беру қызметінде биік белестер тілейміз.
Ұйымдастырушылар олимпиада қозғалысын дамытуға қосқан үлесі үшін барлық қатысушыларға, оқытушыларға және қазылар алқасының мүшелеріне алғыс білдіреді.
«Бухгалтерлік есеп, аудит және салықтық консалтинг» және «Қаржылық талдау» білім беру бағдарламалары бойынша оқитын студенттер оқытушылармен бірлесіп факультетте және университетте өткізілетін барлық іс-шараларға (мемлекеттік мерекелерге, спорттық жарыстарға, құқық бұзушылықтардың, нашақорлықтың және діни экстремизмнің алдын алу жөніндегі шараларға) белсенді қатысып отырады.
Студенттер үшін дәріс оқу және экскурсия жасау мақсатында шақыра отырып, бейінді ұйымдардың басшыларымен, мамандарымен кездесулер ұйымдастырылады. Кафедра студенттері «Аманат» пікірсайыс клубының және университет ұйымдастырған спорт секцияларының қатарында жүр.
Оқу үдерісін жалғастыру және тереңдету мақсатында кафедрада студенттердің зерттеу жұмыстары ұйымдастырылды.
Кафедрада 2 студенттік ғылыми үйірме жұмыс істейді: «Жас бухгалтер» және «Қаржылық талдаушы».
«Жас бухгалтер» және «Қаржылық талдаушы» ғылыми үйірмелерінің негізгі мақсаттары мен атқаратын қызметтері:
1. Оқыту және білім алмасу: Студенттерге бухгалтерлік және қаржылық білім алуға және алмасуға мүмкіндік беретін орта құру.
2. Кәсіби даму: Кәсіби дағдыларды дамытуда және бухгалтерлік есеп пен қаржы саласындағы болашақ мансапқа дайындықта студенттерді қолдау.
3. Әлеуметтену және желілік байланыс: Студенттерге кәсіпқойлармен және басқа студенттермен байланыс орнатуға және желілік қарым-қатынас орнатуға көмектесу, бұл болашақта пайдалы болуы мүмкін.
4. Оқудағы қолдау: Қаржыны, бухгалтерияны және онымен байланысты пәндерді тиімдірек зерттеу үшін көмек пен ресурстарды ұсыну.
5. Танымал ету: Қоғам мен бизнестегі бухгалтерлік есеп пен қаржылық менеджменттің маңыздылығын насихаттау.
2022 жылы С. Сейфуллин атындағы ЭНАКТУС ҚАТЗУ командасы «Олжа Агро» ірі Агрохолдинг компаниясы ұйымдастырған «Ауылдағы Бизнес» арнайы байқауына қатысты. Іріктеу турының қорытындысы бойынша команда үздік бестікке кірді. 27-28 сәуір аралығында команда финалда «Қозы қой шаруашылығының драйвері» атты баяндама жасады. Құлжанова Тахмина мен Стрелцов Владислав Enactus Seifullin University командасының мүшелері болып табылады.
2023 жылы команда Ұлттық кубокқа қатысып, «Олжа Агро» арнайы байқауында жеңіске жетіп, құрметті 3 орын және 1000000 теңге көлемінде ақшалай сыйлық алды.
2023 жылғы 20 қазанда «Рухани жаңғыру» бағдарламасы аясында TARIM.KZ ұйымдастыруымен «Бухгалтерлік есеп негіздері» пәні бойынша республикалық деңгейде студенттерге арналған олимпиада өткізілді.
Олимпиадаға Токенова Сандуғаш Мейрамжанқызының жетекшілігімен 07-045-21-09 топ студенттері қатысып, келесідей марапатты дипломдарды алды: Бакибаев Мирас Серикович – I дәрежелі диплом, Стрелцов Владислав Владимирович – II дәрежелі диплом, Берікханов Бексұлтан Жастилекұлы – III дәрежелі диплом.
2023 жылғы 15 қарашада Ұлттық валюта – теңгенің 30 жылдығына орай КАТЗУ экономика факультетінің «Есеп және қаржы» кафедрасының ұйымдастырумен «Үздік қаржыгер» атты интеллектуалдық командалық ойын өткізілді. Оған 3 курс қазақ және орыс топтарының студенттері 7 команда құрып, сайыс барысында блиц сауалнамасына жауаптар беріп, «Ақ жәшік»-тегі қызықты тапсырмаларды орындап, көрермендер арасында ойындар ойнап, әр команда бойынша белгілі бір тақырыптармен топтық жұмыстар жасалды. Сайыс барысында студенттер өте жылдам және тапқырлықпен, аса жоғары қызығушылықпен, өз алған білімдерін өте жақсы көрсете алды. Факультеттің профессорлық-оқытушылық құрамынан құралған әділ қазылар алқасы 7 команданың интеллектуалдық командалық ойынын бағалап, мынадай орындар берді: І-орын –«Монета» командасы (07-045-21-09 тобы, команда капитаны – Стрельцов Владислав), ІІ-орын – «Аграрвард» командасы (07-046-21-12 тобы, команда капитаны –Журсин Айбек), ІІІ-орын – «Moonay» командасы (07-046-21-13 тобы, команда капитаны –Жақып Нұрдәулет). Жүлделі орын алған командаларға грамота мен қымбат сыйлықтар, ал ойынға белсенді қатысқан топтарға Алғыс хаттар ұсынылды.
2023 жылғы 06 қарашада Қ.А. Құсайынов атындағы «Еуразиялық гуманитарлық институты», Л.Н.Гумилев атындағы ЕҰУ, С. Сейфуллин атындағы КАТЗУ және ESIL университетінің 3-курс студенттерінің қатысуымен «XXI ғасырдың қаржыгері» атты жоғары оқу орындарыаралық интелектуалды олимпиада өтті. Біздің университеттен «Есеп және қаржы» кафедрасының қауымдастырылған профессоры, э.ғ.к. М.А. Касимбекованың жетекшілігімен 07-046-21-12 тобының студенттері Е.Сейдмуханов, А. Жумабек, Э. Хабибулина, Ш. Туменбаева қатысты. Қазылар алқасының шешімі бойынша С. Сейфуллин атындағы КАТЗУ студенттерінен құрылған «Аграрвард» тобы 1 орынды иеленді.
