Саламатсызба, Светлана!
С. Сейфуллин атындағы Қазақ агротехникалық университетіне қош келдіңіз.
Біздің университетке география пәні бойынша Сіз «Экономика», «Менеджмент», «Есеп және аудит», «Қаржы», «Маркетинг», «Геодезия және картография», «Орман ресурстары және орман шаруашылығы», «Жерге орналастыру», «Әлеуметтік-мәдени қызмет көрсету», «Кадастр», «Бағалау» мамандықтары бойынша оқуға түсуіңізге болады.
Аталған мамандықтарға мемлекеттік білім гранттарына ие болу үшін ҰБТ нәтижесі едәуір жоғары болу керек, 100 баллға жақын, себебі бұл мамандықтарға конкурс жоғары болады, сонымен қатар «Алтын белгі» иегерлері де көбінесе осы мамандықтарды таңдайды.
Біздің мамандықтарымыздың тізімін университеттің agun.kz ресми сайтында «Талапкер-2011» бөлімінде қарап алуыңызға болады. Мамандықтар таңдау бойынша пәндерімен көрсетіліп, келтірілген. Биылғы балл мөлшері қандай болатыны жөнінде біз ешқандай мәлімет бере алмаймыз, себебі ол мемлекеттен бөлінген гранттар мөлшеріне және сол гранттарға иеленуге өтініш берген талапкерлер санына байланысты болады.
2011-2012 оқу жылына 1 курстың жылдық төлем ақысы 249,4-ден бастап 374,5-ден дейін мың теңгені құрайды. Оқудың төлем ақысын төлеу бойынша университетте бөліп төлеу мүмкіндігі қарастырылған.
Анықтамалар үшін: тел.: 8(7172) 317-556
