Саламатсызба Альбина!
С. Сейфуллин атындағы Қазақ агротехникалық университетіне қош келдіңіз.
Біздің мамандықтарымыздың тізімін университеттің agun.kz ресми сайтында «Талапкер-2011» бөлімінде қарап алуыңызға болады. Мамандықтар таңдау бойынша пәндерімен көрсетіліп, келтірілген. География пәнімен Сіз көптеген мамандықтарға оқуға түсе аласыз.
Былтырғы жылғы мемлкеттік білім гранттарына ие болуға өтпелі баллдары бойынша мәліметтер де аталмыш сайтта келтірілген.
Біздің университетте география пәнімен «Экономика», «Менеджемент», «Есеп және аудит», «Қаржы», «Маркетинг», «Геодезия және картография», «Жерге орналастыру» және «Кадастр» «Бағалау», «Орман ресурстары және орман шаруашылығы», «Әлеуметтік-мәдени қызмет көрсету» мамандықтары бар.
Биылғы балл мөлшері қандай болатыны жөнінде біз ешқандай мәлімет бере алмаймыз, себебі ол мемлекеттен бөлінген гранттар мөлшеріне және сол гранттарға иеленуге өтініш берген талапкерлер санына байланысты болады.
Жатақхана 1 курс студеттеріне міндетті түрде берілетін болады.
Талапкер өтініш білдіру барысында таңдау пәніне сәйкес келетін, 4 мамандықты көрсете алады, сонымен қатар жоғары оқу орындарын таңдай алады. Сол мамандықтар қай жоғары оқу орындарында бар екендігі туралы мәлімет және жоғары оқу орындарының кодтары қабылдау комиссияларында міндетті түрде болуы тиіс. Біздің университетіміздің коды – 002.
Сондықтан егер де Сіз гранттар конкурсына өтініш білдірмек болсаңыз, Қызылорда қаласында орналасқан жоғары оқу орындарының қабылдау комиссияларына құжаттарыңызды тапсыруыңызға болады немесе Астанаға да келуіңізге болады, оны өзіңіз шешесіз. Грантқа ие болған жағдайда құжат өткізген қабылдау комиссиясынан құжаттарыңызды қайтарып алып, грант иегері екендігіңізді растайтын күәлікті алып, біздің қабылдау комиссиясына 25 тамызға дейін міндетті түрде құжаттарыңызды тапсырып, бұйрықпен студенттер қатарына қабылдануыңыз керек. Ақылы келісім шарт негізінде оқуға түсемін десеңіз тамыз айының 10-нан 25-не дейінгі мерзімде құжаттарыңызды өткізіп, оқудың төлем ақысының 50 % төлеуіңіз қажет.
Анықтамалар үшін: тел.: 8(7172) 317-556, 398-018
