Құрметті Динара!
Сіздің www.kazatu.kz сайтына қалдырған сұрағыңыз бізге енді келіп түсті. Сіздің сұрағыңызға жауап келесідей:
Жоғары және жоғары оқу орнынан кейінгі білімнің білім беру бағдарламаларын іске асыратын білім беру ұйымдарына оқуға қабылдаудың үлгілік қағидаларына сәйкес (Қазақстан Республикасы Білім және ғылым министрінің 2018 жылғы 31 қазандағы № 600 бұйрығы):
4. Республикалық бюджет немесе жергілікті бюджет қаражаты есебінен жоғары білімнің білім беру грантын беру конкурсына қатысу және (немесе) ақылы оқуға қабылдау үшін қысқартылған оқыту мерзімдерін көздейтін жоғары білімі бар кадрларды даярлаудың ұқсас бағыттары бойынша түсушілерді қоспағанда, орта, техникалық және кәсіптік немесе орта білімнен кейінгі білімі бар, ҰБТ-дан өткен және оның нәтижесі бойынша:
– ұлттық ЖЖОКБҰ-ға – кемінде 65 балл, ал "Педагогикалық ғылымдар" білім беру саласы бойынша – кемінде 75 балл, "Денсаулық сақтау" білім беру саласы бойынша – кемінде 70 балл, "Ауыл шаруашылығы және биоресурстар", "Ветеринария" білім беру салалары бойынша – кемінде 60 балл;
– басқа ЖЖОКБҰ-ға – кемінде 50 балл, ал "Педагогикалық ғылымдар" білім беру саласы бойынша – кемінде 75 балл, "Денсаулық сақтау" білім беру саласы бойынша – кемінде 70 балл жинаған адамдар жіберіледі.
С.Сейфуллин атындағы ҚАЗАТУ басқа ЖЖОКБҰ санатына жатады. Өкінішке орай, ҰБТ қорытындысы бойынша грантқа үміткер бола алмайсыз. Шекті балл жинамаған абитуриент ретінде «ақылы шарттық негізде» оқуға түсуіңіз мүмкін, бұл ретте Сізге ҰБТ-ны 2023 жылы тапсыру арқылы 50 баллды растау қажет болады, расталмаған жағдайда 1 курстан кейін оқудан шығарылатыныңызды ескертеміз.
Сондай-ақ, "шартты" оқуға барлық мамандықтар бойынша қабылдауға рұқсат етілмегенін атап өтеміз, шартты түрде қабылдануға арналған мамандықтар тізбесі 2022 жылғы грант иегерлерінің тізімі жарияланғаннан кейін айқындалатын болады.
