Құрметті Гульназ Аманжанқызы!
Өткен 2014 жылғы тестілеу нәтижесі бойынша ауылшаруашылық және ветеринарлық мамандықтарға түсу үшін 100 ұпайдың 78-ін жинаған талапкерлер мемлекеттік білім беру грантын жеңіп алса, экономикалық, заң мамандықтары бойынша білім грантына 98 ұпай және одан жоғары жинаған талапкерлер ғана ие болды. Білім гранттарын бөлудегі мұндай заңдылық үстіміздегі жылы да сақталар деген ойдамын.
Сіздің 4-ші пән ретінде биология пәнін таңдағаныңызды қолдаймыз және ел астанасының ежелгі оқу орны болып табылатын, өткен оқу жылының рейтингісі бойынша еліміздің жетекші жоғары оқу орындары арасында өзінің жоғары беделін тағы да дәлелдеген С. Сейфуллин атындағы Қазақ агротехникалық университетіне оқуға шақырамыз.
Біздің университетке биология пәні бойынша Сіз «Экология», «Биотехнология», «Агрономия», «Мал шаруашылығы өнімдерін өндіру технологиясы», «Аңшылықтану және аң шаруашылығы», «Балық шаруашылығы және өнеркәсіптік балық аулау», «Топырақтану және агрохимия», «Өсімдік қорғау және карантин», «Ветеринарлық медицина», «Ветеринарлық санитария» мамандықтар бойынша оқуға түсуіңізге болады. Жыл сайын мемлекет тарапынан бөлінген білім гранттарының мөлшері ауылшаруашылық мамандықтарға артып келеді.
Анықтамалар үшін: тел.: 8(7172) 317-556, 398-018.
Біздің сайтымыз: kazatu.kz.