Құрметті Анель!
Білім беру ұйымдарының үлгісі бойынша білім алушының ауысу мен қайта қабылдау ережесіне сәйкес («19» қаңтар 2012 жыл № 110 Қазақстан Республикасы Үкіметінің қаулысымен бекітілген) білім беру гранты бойынша оқитын білім алушы білім беру грантын сақтай отырып басқа жоо-на ауыса алады. Жекелеген жоо-на бөлінген мақсатты орындарға, сондай-ақ квота шеңберіндегі педагогикалық мамандықтарға білім беру грантымен түскен білім алушы басқа жоо-на білім беру грантын сақтай отырып, ауысуына жол берілмейді. Басқа білім беру ұйымына ауысуға ниеттенген білім алушы өзі оқитын білім беру ұйымы басшысының атына ауысу туралы жазбаша түрде өтініш береді, ауысуға мөрмен бекітілген жазбаша келісім алып, қалаған білім беру ұйымының басшысына барады.
Жоғарыда аталғандардың негізінде Сіз университетіңіздің басшысына барып, егер сіздің грантыңыз университетке бөлінген квотаға кірмейтін және «Кәсіптік білім» мамандығы педагогикалық мамандыққа жататын боса, онда Сізге келісім беруі мүмкін.
Білім алушының бір жоо-нан басқасына ауысу рәсімі келесі тәртіппен жүзеге асырылады:
1) басқа жоо-на ауысуға тілек білдірген білім алушы өзі оқитын жоо-ның басшысының атына өтініш тапсырып, ауысуға мөрмен бекітілген жазбаша келісім алған соң қалаған жоо-ның басшысына барады.
2) қабылдайтын жоо-ның басшысының атына жазылған өтінішке ректордың (немесе оқу ісі бойынша проректордың) және тіркеу бөлімінің қолдары қойылған, мөрмен бекітілген транскрипт; бірыңғай ұлттық тестілеу немесе кешенді тестілеу тапсырғаны туралы сертификаттың көшірмесі, білім беру гранты иегері куәгерінің көшірмесі, өзі оқыған жоо-ның атына жазылған өтініш (басшының қолы және мөрмен бекітілген), орта білім туралы аттестаттың (немесе колледж бітіргені туралы дипломның) көшірмесі, жоо-ның лицензисы мен қосымшасының көшірмелері, жеке куәліктің көшірмесі тіркеледі;
3) қабылдайтын жоо-дағы факультет деканы ұсынылған құжаттардың негізінде есептеу ведомісін құру жолымен меңгерілген пререквезиттермен сәйкес оқу жоспарындағы пәндер айырмашылығы мен оқу курсын анықтайды, білім беру бағдарламасына сәйкес меңгерген кредиттер санын қайта есептейді және білім алушының жеке оқу жоспарын тіркеуші бөлімінің келісімімен бекітеді.
Бакалавриат үшін сол курсқа ауысу мен қайта қабылдау егер оқу жоспарындағы айырмашылық міндетті компоненттің бес пәнінен артпаса, жүзеге асырылады.
Ауысу туралы құжаттар 25 тамызға дейін қаралады. Байланыс мәліметтері: 8-717-2-38-40-02, 8-717-2-38-40-03, e-mail: alfiya_askarova@mail.ru