Құрметті Ұлмекен Мұсақызы!
Қазақстан Республикасы Білім және ғылым министрінің 2018 жылғы 31 қазандағы №600 бұйрығымен бекітілген жоғары оқу орнынан кейінгі білімнің білім беру бағдарламаларын іске асыратын білім беру ұйымдарына оқуға қабылдаудың Үлгілік қағидаларына сәйкес ЖОО магистратурасына, докторантурасына, ЖОО-лар мен ғылыми ұйымдардың резидентурасына түсушілердің өтініштерін қабылдау ЖОО-лардың және ғылыми ұйымдардың қабылдау комиссияларымен, сондай-ақ ақпараттық жүйе арқылы жүргізіледі.
Өтініштерді қабылдау мерзімі күнтізбелік жылдың 3-25 шілде аралығында.
Шет тілі бойынша, мамандық бойынша түсу емтихандары, кешенді тестілеу күнтізбелік жылдың 8-16 тамызы аралығында, қабылдау күнтізбелік жылдың 28 тамызына дейін жүргізіледі.
Магистратура, резидентура және докторантураға түсуші тұлғалар:
- оқыту қазақ немесе орыс тілінде жүргізілетін магистратураға түсуші тұлғалар: шет тілі бойынша тесттен (таңдау бойынша ағылшын, француз, неміс тілі), білім беру бағдарламалары тобының бейіні бойынша тесттен, оқуға дайындығын анықтауға арналған тесттен тұратын кешенді тестілеу тапсырады;
- оқыту ағылшын тілінде жүргізілетін магистратураға түсуші тұлғалар: ағылшын тіліндегі білім беру бағдарламалары тобының бейіні бойынша тесттен және оқуға дайындығын анықтауға арналған ағылшын тіліндегі тесттен тұратын кешенді тестілеу тапсырады.
Биология бакалавры дипломымен біздің университетіміздің «Биотехнология» бағыты жақын болып табылады.
Негізінде әр университетте кафедралар келетін мамандықтар мен пререквизиттер тізімі Ғылыми кеңесте бекітіліп, қабылдау комиссияларына беріледі, құжат тапсыру барысында анықтап алуға болады.
Анықтамалар үшін: 8-7172-31-75-56.